PM, Pu Narendra Modi-a pian champha vawi 67-na pualin BJP Mizoram Pradesh-in vawiin khan Aizawl City Park leh Lengpui Airport an thian fai a. Aizawl City Park-a an hnatlannaah State BJP President, Prof. JV. Hluna chuan, PM pian champha tak chu nimin kha ni mah se, Pathianni a nih avangin Central lama an hotute hriatpuina-in Mizoramah chuan vawiin hian hman a ni tih a sawi. Pu Narendra Modi-a kaihhruai sorkar laipuiin mipui hmasawnna tur Programme hrang hrang a duan zingah kum 2020-a India thar siam tumna tihlawhtling turin BJP Mizoram Pradesh pawhin theihtawp chhuah zel a tum tih Prof. JV. Hluna chuan a sawi bawk. Lengpui Airport thian faitute hi hmarchhak bial enkawltu, BJP General Secretary, Pu Pawan Sharma-a’n a hova. State BJP General Secretary, Pu B. Suanzalanga chuan, Pu Modi-a kaihhruaina hnuaiah India ramin nasa takin hma a sawn nia sawiin, state hrang hrangah mi rethei thleng phak chanchin tha a thleng mek niin a sawi a, Mizoramah pawh hmasawnna nasa zawk a thlen theih nan BJP Mizoram Pradesh chuan \an a la zel niin a sawi.
