Hmeichhiate ham\hatna atana thawktu pawl, Panchayat Mahila Shakti Abhiyan-in nakkuma Assembly inthlan lo awm turah Political Party hrang hrangte chu hmeichhiate tan a tam thei ang ber seat hauh turin an ngen a, hemi chungchang hi Aizawl Press Club-ah thuthar lakhawmtute hrilhin an pawl President, Pi Zothankimi chuan, an pawl hma lakna zarah Local Council, Village Council leh Aizawl Municipal Corporation (AMC)-ah hmeichhiate tan seat hauh a lo ni tawh nia sawiin, sorkar laipuiin inthlannaa hmeichhiate tana seat za-a 33 hauhnna tur dan a siam chu Lok Sabha-in la pawm lo mah se, AMC-a tih angin Political Party-te an inlungrual chuan nakkuma Assembly inthlanpui lo awm turah pawh hmeichhiate tan seat hauh theih an beisei thu a sawi a. Hemi chungchanga an ngenna hi nimin khan Mizoram Political Party hrang hrang an pe a, an chhanna an ngaichang mek niin a sawi. Pi Zothankimi chuan, an pawl thil tum ber chu hmeichhiaten politics-a hmasawnna an neih theih nana \an lak a nih thu sawiin, hmeichhiate hmasawnna chu ram hmasawnna a nih avangin an ngenna ngai pawimawh turin Poltical Party leh mipuite a ngen bawk.
Sorkar laipuia Panchayati Raj Ministry thupek angin Panchayat Mahila Shakti Abhiyan hi Mizoramah kum 2008 khan din a ni a. He pawl hruaitu ni tur hian sorkar pawmpui inthlannaa tling tawh nih a ngai a ni. He pawl hi politics rawng kai a nih avangin Firms and Societies hnuaia ziah luh theih a ni lo a, All Mizoram Women Federation hnuaiah a inziak lut a ni.
