Human Society International-in nimin leh vawiin khan Police Officer-te tan Animal Law chungchang zirhona Treasury Square-a Aizawl SP Conference Hall-ah a buatsaih a. Hetah hian Police Officer-te chu Prevention of Cruelty to Animal Act, 1960 anga ran enkawl dan hrang hrang leh humhalh a pawimawh zia zirtir an ni. He zirhona-ah hian Ui leh dan kalha hmun dang atanga Mizorama ran hrehawm taka phurh luh chu tihtawp a nih theih dan turte an sawi ho a, hemi kawnga hmalaknaah hian dan kengkawhtu Police-te pawimawhna leh tangkai theih dante an zir ho a ni. He zirhona hi Human Society International Mizoram Co-ordinator, Pi Moriah Hrahsel-in a kaihruai a, Aizawl khawpui chhung Police Station hrang hranga Police Officer-te an tel a ni.
