Portugal-a ramngaw kangah kang\helh pawl mi 8 leh midang 12 an hliam a, hliam na zual pakhat chu helicopter-in Lisbon-ah hruai a ni.

0
89
views

He ram kang hi Castelo Branco ram chhung a ni a, helicopter leh tui phur motor hmanga \hleh a ni a, ram bial hnih chu \helh mih theih a nih laiin ram bung khat erawh a la kang nasa hle niin interior ministry chuan a sawi.

Portugal Sipai hotute sawi danin helai ram kang \helh tura kal te kawng sial sak tur hian sipai leh khawl engemawzat tirh an ni.

Ram kang hi Inrinni a\ang khan a in\an a, thli a tam vangin ram zau tak a kang kai tawh a, a bul hnaia khua te chu hmun him lamah an in thiar chhuak a, kawngpui pawimawh tak tak te khar a ni bawk.

Portugal-ah hian kum tin ram a kang ziah a, a ram a lum avang leh Atlantic a\anga thli na tak a dawn tam vangin kangmei chhuak hi a darh chak \hin hle a ni. Kum 2017-ah pawh khan ram kang vangin mi tam takin nunna an lo chan tawh a ni.