Power & Electricity Department Minister Pu R. Lalzirliana’n deptt. in mimal sum cheng vaibelchhe 15 a batsak chu ching fel thuai turin deptt. hotute a hrilh.

0
27
views

He thu hi vawiin a P&E Deptt.-in kum 2019-20 chhunga an hmalakna thlirletna an neihah Pu Zira hian a sawilang a, sorkar thuchhuah chuan sum bat dan kimchang hi a tarlang tel lo thung.

Pu Zira hian P&E hnathawh dan chu fimkhur ngai tak tih sual palh a thihna thlen thei a nih avangin thawktute pawhin inpawh tak leh fimkhur taka an hna an thawh a \ul tih a sawi a, thawktu indaihlohna avanga harsatna awm chu a theih anga hmalak a tum thu sawiin project hnathawh a hun taka zo tura \an la turin a chah a, a dik lova ti \hinte chu an mualpho mai tur a ni tih sawiin Department dang nen sum inhlanchhawn ngai hna a awmin dik tak leh rintlak taka estimate fel taka siam a pawimawh tih a sawi.

Meeting kaihruaitu Engineer in Chief Pu Lalduhzuala Sailo, chuan tunlaiin Aizawl khawpui chhungah Transformer overload vanga chhia a tam thu a sawi a, hei hi Engineer ten an tihtur an tih tawk loh vanga thil thleng a nih leh nih loh inenchian an mamawh thu sawiin thawktu indaihloh vanga sub-station hawn theihloh a awm nual thu leh maintenance material an tlakchham vangin harsatna an tawk tih a sawi a ni.

He meeting-ah hian District hrang hrang a SDO chin chung lam te an tel a ni.