Youth Vikash Society, Mizoram leh 46th Assam Rifles \angkawpin Mizo \halai sipai \ang duhtute tana Pre-recruitment Training an buatsaih chu tukin khan Lammual-ah khar a ni a. A hmanpuitu, 46th Assam Riffle Major, Abhijit Banerjee chuan, Mizo \halai tam zawk, sipaia an luh zel theih nan Assam Rifles-in theihtawp a chhuah zel tur thu leh Training-a telte chu sipai an intlarnaah chauh ni lovin, an hun hman chhoh zel turah anmahni tawka a \ha thei ang bera an mawhphurhna hlen chhuah tum zel turin a chah a ni. Tukina sipai \ang duh training kharna inkhawm hi YVS Senior Vice President, Dr. King Gunu Gharti-in a kaihruai a, an President, Dr. Lalengzami’n sipaia an intlar huna thil pawimawhte a hrilhfiah a ni. Youth Vikash Society, Mizoram hi kum 2011 khan din a ni a, Mizo \halai, sipaia \ang duhte tan Pre-recruitment Training hi \um eng emaw zat a buatsaih tawh a, an hnena training chhuak, mi 280 vel chu sipai-ah an l<t tawh a ni. Tun \um training-ah hian Mizo \halai 169 an tel a, kumin December thlaa Aizawla Sipai lak runpui neih turah an intlar dawn a ni. Training-a telte hi sipai intlarna atana thil pawimawh hrang hrang, a thlawn veka zirtir an ni a, Assam Rifles miten an zirtir a ni.
