Prime Minister, Narendra Modi-a’n boruak bawlhhlawh, carbon dioxide khawvela pe chhuak tam ber pathumna hauhtu India in lungalhthei hman tlem thuai a tum tih a sawi a, hemi rual hian Uranium supplier group-a India telh a ni ve lo chu a sawisel bawk.

0
68
views

New York-a Bloomberg Global Business Forum ah thu sawiin Modi hian India chu Nuclear suppliers group ah a tel ve loh avangin lungalhthei aiawhtu tur fuel dangah duhkhawp a hmu zo lo a, he harsatna hi sutkian theih a nih chuan khawvel entawn turin India chuan hma a la thei dawn a ni a ti.

Ram 48 te telna Nuclear Supplier Group-a India a tel vena kawng chu China in a la dang a, he group hian nuclear hmanruaa insumdawntawnna a thunun a ni. Modi-a hian lungalthei hman tih tlem a tiam duh bik lo a, a aiawhtu tur dang a awm si loh chuan lungalhthei chu india mi maktaduai tam takin electric eng hmuhna atana an la hmang mek a, India rama kawlphetha siam chhuah zaa 72 chu lungalhthei a\anga siam chhuah a ni a, Power ministry chuan hei hi 2030 ah chuan zaa 50 ah tih hniam a tum tih Modi hian sawiin, hemi ti thei tur hian a thlakna tur environment tana pawinep zawk a dap erawh a ngai a ni a ti.