L&T Armoured System Complex ah hian laipui, Howitzer artilery guns 100 siam a ni dawn a, make in India programme hnuaia hmalakna pakhat a ni. Prime Minster hian Navsari-ah Nirali Cancer hospital a hawng bawk a, hetah hian Gujarat chhim lam leh \henawm state-a cancer veite enkawl an ni ang. Prime Minister hian Mumbai-ah National Museum of Indian Cinema a hawng bawk a, he museumah hian India ramin film siam lama kum 100 chhunga hnuhma a lo neih tawhte chu pholan a ni dawn a ni.
PM hian Silvassa-a Sayli-ah Medical College sak \anna tur lung a phum bawk a. He college hi Dadra, Nagar Haveli, Daman and Diu leh a chhenvel mipuite chhawr theih tur a ni. PM hian Daman, Dadra, leh Nagar Haveli chhunga hmasawnna project chi hrang hrangte a hawng bawk a, Dadra leh Nagar-a chengten bawlhhlawh felfai taka an thliar theihna tur m-Arogya app chu hman \an theihin a hawng bawk.
