Prime Minister, Narendra Modi-a’n inkhuahkhirhna la thutak lo mi tam tak an awm tih sawiin, state tin sorkarte chu mipuite an thuchhuah an zawm em tih chu ngun taka enfiah turin a ngen.

0
36
views

Sorkar laipui chuan state tin te chu inkhuahkhirhna dan khauh taka kalpui tur leh a zawm lo te chunga hremna na taka lekkawh turin a chah a ni.

Modi chuan sorkar thuchhuak zawm \hat chu an himna tur leh an chhungkaw himna tur a ni tih sawiin, zawm \heuh turin mipuite a ngen a ni.

Tun dinhmunah hian ram chhunga Covid-19 vei zat chu 400 an chuang tawh a, mi 7 an thi tawh a ni.

Ram chhung District 80 chu an inkharkhip tawh a, chung zingah chuan Delhi, Mumbai, Chennai, Kolkata leh Bengaluru te pawh an tel a, \ul bik thil tih loh chu mipui mimir pawn chhuah an khap a, rel, metro leh inter state bus zawng zawng an chawlhtir bawk. Hetihlai hian Punjab, Rajasthan, Bengal leh Haryana te chuan public transport zawng zawng a chawlhtir bawk a ni.

Mumbai chuan vantlang hmuna mi 1 aia tam awm a khap a, mimal lirtheiah te pawh a khalhtu bak chuan a phal tawh lo a ni.