Prime Minister Narendra Modi-a’n SAARC ram te covid-19 khuahkhirh kawnga thawhpuia a sawmna chu Pakistan Foreign Affairs Ministry chuan pawmin, khawvel huapa theihtawpa thawhho chu \ha a tih thu a hrilh.

0
336
views

Pakistan Prime Minister Imran Khan-a Special Assistant (Health) thupuangtu chu video conference hmanga Covid-19 do dan tur sawihonaah tel tura ruat a ni. Modi hian India \henawm ramte chu lungrual taka insuihkhawma, khawvel ram 100 vela hri leng mek chu do ho turin a sawm a, video conferencing hmangin Covid-19 do let dan tur hi sawiho nise a ti a, hei hi Pakistan chuan a pawmpui a ni.

India, Pakistan, Afghanistan, Bangladesh, Bhutan, Maldives, Nepal leh Sri Lanka te chu South Asian Association for Regional Cooperation (SAARC) member an ni.

Bhutan Prime Minister, Lotay Tshering chuan Modi-a sawmna chu SAARC member an nih angin a ngaipawimawh hle tih a sawi a, covid-19 do let tura thawhho chu a duh tih a sawi a, Sri Lanka pawhin video conference hmanga covid-19 dona tur sawiho chu a pawm tih a hriattir bawk a ni.

SAARC huam chhungah hian Covid-19 vei mi 126 an awm a, Pakistan-ah chuan mi 20-in an vei mek bawk a, India rama thi te tih loh chu SAARC huam chhungah Covid-19 thihpui an la awm lo a ni.