Prince Harry leh Meghan Markle te’n an inneih dan tur puangzar

0
442
views

Prince Harry leh Meghan Markle te chuan an inneih dan tur kimchang an puangzar ta. Kensington Palace thuchhuah tarlan danin, inneih inkhawm hi May 19 chhun lai tak velah, Windsor Castle, St George Chapel ah tan a ni ang a, Canterbury Archbishop Justin Welby chuan inneihna hi buaipuiin, Windsor Dean, Rt. Revd. David Conner chuan a inneihtir ang. Chawhnu lam dar 1 ah Harry leh Meghan te hian sakawrtawlailir hmangin Chapel hi an chhuahsan ang a, Windsor High Street lam kawng zawhin Caste ah bawk an let leh ang a, hei hi mipuiten he inneihna zau zawka an chhim ve theihna tura ruahman a ni. Nupa tuak tharte hi Prince Charles chuan tlai lamah a kawm ang a, hetah hian lal chhungkaw mi leh sa te leh an thian hnai zualte pawh an tel dawn a ni. Prince Harry leh Markle te hian an inhual thu November thla khan an puang a, Prince Harry chuan an inhmuh vawikhatna atangin American lemchanthiam Markle hi a nupui tur a ni tih a pawm nghal thlap tih a sawi.