Prism General Secretary, Pu C. Lalsawmliana’n an Party-in thuneihna a chan chuan Mizote chaw rinpui ber buha intodelh turin chak takin an thawk dawn niin vawiina an pawl Bengvar inkhawmah a sawi a. Kum 30 chuang zet, Mizoram chu state puitling a nih hnuah pawh rama rorelna fawng vuantuten ei leh barah min intodelhpui thei lova, mipuite chaw rinpui ber buh pawh sum tam tak sengin hmun dang a\anga lakluh a la ngai a, kum tin buhfai lei nan, Mizoram sorkar-in cheng vaibelchhe 180 vel a seng ral ziah a, he kalphung \ha lo tak hi tihtawp a hun tawh hle tih a sawi. He inkhawm hi an pawl General Secretary, Pu RL. Liantluanga’n a kaihruai a ni.
