Vawiina Upper Republic-a an party Pisa-a thuthar lakhawmtute a kawmnaah Pu RL Liantluanga chuan, ral inrelbawlna kalphung dik lo hrang hrangte siam\hain, he thila mawhphurtute chu mana, an phu tawk hremna pek an ni dawn niin a sawi a, mi liante nawmchenna hi titawpin miretheite din chhuahna tur te, rim taka thawkte an hlawhchham tawh loh nan leh thang\har hna nei loten hna an neih theih nan te, kum lama upa leh hmeichhiate dinhmun chawisang turtein hma an la dawn niin a sawi.
Prism |halai Vice President, |awi bial viltu ni bawk, Pu H. Lalremsiama pawhin thingtlang mipuite dinhmun leh an harsat dan a hmuna a hmuhin lungchhiatthlak a tih thu a sawi a, hetianga dinhmun chhiaa mipuite min dah hnuah sum hmanga lei theih anga sawi zui an ching leh \hin chu lungchhiatthlak a tih thu sawiin, thingtlang kilkhawr bera chengte pawh dinhmun \ha zawka an awm vek theih nan a taka hnathawktu tur Prism Party chu thuneihna pe turin mipuite a ngen a ni.
