PRISM MP Candidate, Pu TBC Lalvenchhunga’n Mizoram politics-in bung thar a kai mek a, insawichhiat bansan a, hmachhawp leh hmathlirte hmanga candidate-te au ta chuan Mizo hnam leh ram tan rah \ha a chhuah mek a ni a ti.

0
245
views

Vawiina Upper Republic-a an Party Pisa-a inkhawmah thusawiin, Mizoram hmun hrang hranga Campaign-a an kalnaah thinlung zawng zawnga duhsaktu le thlawptu engemawzat an lo awm zel chu lawmawm a tih thu a sawi a. Hei mai hi ni lova sum leh pai thlenga \anpuitu an pung zel chu a phu loh malsawmna a ni, a ti a. Pu TBC Lalvenchhunga chuan, Mizoram politics-in bung thar a kai mek tih sawiin, insawichhiat leh inselnate bansan a, hmachhawp leh hmathlirte mipui hmaa political party leh candidate-ten an aupui mek chuan Mizo hnam leh ram tan rah \ha a chhuah ngei a rin thu leh hei hi PRISM Party-in Politic siam\hat a tumna kawnga an hmalakna hlawhtlin in\anna nia a ngaih thu a sawi. Amah tantute chu a candidate puite sawichhe lo tura chahin, Pu TBC Lalvenchhunga chuan, insawichhiatna hian ram leh hnamah nghawng \tha aiin nghawng \ha lo a hringchhuak a, Mizoram chu hmasawn ngai ram a nih avanginin, midang chhiatna lai sawi hman an ni lo tih hre turin a chah a ni.

PRISM MP Candidate leh amah \awiawmtu an Party hruaitu \henkhat chhimlam bial khaw hrang hrang fanga zin lo hawte chu PRISM President Pu Vanlalruata’n tawlhlohpuan lo banin, tawlhlohpuan chu an pawl chanchina an lekchhuah hmasak ber a nih thu a sawi a. MP Candidate leh amah \awiawmtute chuan an phu hle a ni, a ti.