PRISM Party Central Committee chu vawiin khan Upper Republic-a an pawl pisa-ah an thukhawm a, an pawlin thuneihna a chang a nih chuan District dang siam a ni dawn lo tih an sawi.

Prism party chuan, Sorkar sum dinhmun leh mipui mamawhna thlirin tuna District awm sa bak District thar siam loh tura an Party Administrative Reform Policy-a an lo tarlan tawh chu \ha tawk nia an ngaih thu an sawi a. Hetih rual hian khawpui tina chengten an duh a nih chuan municipal din ni se an ti thung. Danin a phalsak angin kumin kumtawpa inthlanpui neih huna an Party chhinchhiahna tur pawh an thlang fel a, hei hi tun thla ni 14-a ECI in an party registration a pek lawmna neih ruala tlangzarh ni se an ti a ni.