Prism Party chuan thuchhuah siamin, vawiina Independence Day lo thleng hian mipui thinlungah zalen duhna tuh thar se, mahni dikna chanvo sual chhuak tura huaisenna mi tin pe thar se an duh thu an sawi.

0
451
views

Mizorama Politics kalpui dan dik lo avangin ram hruaitu tam ber chuan lal emaw an inti a, mahni inhaivurin kum 5 chhungin an hausakna a pung hman nasa \hin hle niin an sawi a. Dik lo taka rorelna leh ram an kaihhruai avangin sorkar hnathawk zinga a kawi a ngila an thu zawm duh lo te chu hmun hrehawm zawkah an sawn lawng lawng a. Sorkar a\anga mipui chanvo awm te chu pawl leh mi \henkhat thlem nan an hmang a, dik lo taka dan leh thuneihna kengkawhin hlauhna bawihah mi nawlpui an tan tir a, mahni ngaihdan leh thudik pawh sawi ngam lovin mi tam ber an awm ta niin an sawi.

Prism chuan vawiina India Independence Day lo thleng hian awpbehna leh rahbehna atangin a talchhuah theih tih mi tin hre thar se an duh thu leh hei hian mi rilruah zalen duhna thinlung pein hlauhna bawih a\anga talchhuak turin huaisenna pe se an duh thu an sawi a. Mizo hnam hian zalen tura dikna chanvo a nei tih leh mimal tin hian sorkar a\angin chanvo an nei tih hriat thar tir se an duh tih an sawi.