PRISM Party-in Aizawl khawpui chhungah Street Campaign an nei chhunzawm zel a, nimin khan Sikulpuikawn, Khatla, Temple Square, Vanapa Hall kawt, Dinthar, Vaivakawn leh Zarkawt-ahte an Party thil tum an puang chhuak leh a ni.

0
405
views

Heng hmun hrang hranga thusawitu an Pawl President, Pu Vanlalruata chuan, an Party-in thuneihna a chang a nih chuan land reform an kalpui dawn a, ram ruak hman \angkai loha awm leh chhiah pawh chawi mumal lova ram zau pui pui neite chu chhuhsakin a mamawhtu hnenah an hlan dawn tih a sawi. Ram \ha lai zau pui pui, tute emaw kuta awm hman \angkai si loh leh chhiah pawh chawi mumal lohna te chu hman t\ngkai chu ni se ram economy pawhin nasa takin hma a sawn phah dawn tih sawiin, Prism party chuan ram leh hnam tan huaisen takin hma a la dawn tih a sawi. Aizawl khawpuia Prism-in Street Campaign an neih thawh khatna chu zawhfel niin, karleh lamah an chhunzawm leh dawn a. Nimina Street Campaign an neihnaah hian MLA candidate tur, Pu Lalrinzuala Chawngthu, Pu RL Liantluanga leh Pu SL. Ngursailova Sailo-in thu an sawi bawk.