PRISM Party thuneitu sang, Central Committee chu vawiin khan Aizawlah an \hukhawm a, Sorkar laipuiin Citizenship (Ammendment) Bill siam a tum an duh lohna lantir zelna atan Rajya Sabha Chairman hnenah he bill hi pharh lo tura ngen ni se an ti a, hei bakah hian tun thla ni 26-a Republic Day lo thleng turah he bill duh lohna hi lantir ni se an ti bawk. Prism party hotute chuan, tun hnai maia Lok Sabha member thlanna inthlanna neih tur leh Aizawl West – I biala By-election neih tura hmalak dan tur a rel bawk a. Shadow Cabinet din tur leh Assembly Constituency hrang hrang viltu siam turin an Party OB hnenah thuneihna an pe a. MLA te pension leh ham\hatna hmuhte tidanglama dan siam\hatna tur bill siam ni se, chu chu Assembly Speaker hnena thehluh ni se an ti bawk.
Mizoram University in nikum November thla Under Graduade exam result vawiin khan a ti chhuak a, hengte hi 1st Semester, second semester leh third semester exam result a ni. A pumpuiaah zaa 61.34 in an pass a ni.
