Prism hian Covid 19 hri leng vanga ni 40 zet inkharkhip a nih tawh vanga mipui harsatna tawh mekte phuhruk turin sorkar chu kum 2020-21 atana MLA LAD Fund vbch. 60 a dah chu titawp turin an ngen a ni. Sorkar kum liamta-ah khan SEDP Board enkawlna atan sum dah a ni lo chung
in Supplimentary Demand hmangin cheng nuai 222 zet hman ral a ni tho tih PRISM hian an sawi a, kumin budget-ah SEDP Board atan hian sum dah ni lo mah se, Board hi thiah a nih loh avangin sum nuai za tel a ral leh ngei dawn a ni an ti a, Sorkar chu sum renchemna atan hmun dang ami pawt peng lo turin PRISM Party hian an ngen a ni.
Covid 19 hri leng vanga harsatna chu mipuiah a lang chho tan mek tih PRISM Party hian an sawi a, March thlaa State GST atanga chhiah lak luh cheng vbch. 17 pawh April thlaah chuan cheng vbch. 4.16 chauh a lo ni ta a, sumdawngte hmakhua pawh thlir lawk a ngai a ni, an ti. Inkharkhip pawhsei chungchangah sorkar chu ruahmanna fel tak siam a, ei leh bar ringawt ni lo, harsatna awm theite thui tak thlir turin an ngen a ni.
