PRISM Party-in sawrkar inthlak apianga hmun pawimawh leh zirna in hming thlak \hin a ni chu thil \ul ber nia an hriat loh thu leh hmingthlak lam aia a tihchangtlun lam ngaih pawimawh \ha an zawk thu an sawi.

0
506
views

Thuchhuah an siamah Prism chuan, MNF kaihhruai sorkar thar hian an sorkar hmasaka New Capital Complex an din, Congress Sorkar-in New Secretariat Complex tia a lo thlak tawh chu New Capital Complex tiin an thlak let leh a, MIMER pawh Zoram Medical College tia thlak a nih bakah sorkar hmun pawimawh leh zirna in \henkhat pawh hming thlak zel an tum nia a lan thu sawiin, hming thlak hian a hmuna thawktute, anmahni dawr \hintute leh zirlaite tan harsatna engemaw chen a siamsak a ni, an ti a.

MIMER chu Medical Council of India in a pawm tawh a ni a. Hetih rual hian Medical College din phalna puitling la nei lo a nih avangin Medical College ni zel thei tura a hnathawh dan leh damlo an enkawl zat chu dan pawm chin a nih theih nana \anlak a \ul hle tih Prism chuan an sawi a, MCI a\anga phalna a hmuh chhunzawm loh chuan tuna MIMER a Doctor zirlai mekte thawhrimna chu awmze nei lovah a chang dawn a, hna pawh hmu thei lovin Doctor lemah an chhuak dawn tihna a nih avangin a hming thlak lam ai chuan an hnathawh tih changtlun chu hna hmasaa neih \ha an tih thu PRISM Party chuan an sawi.