PRISM Party MP Candidate, Pu TBC Lalvenchhunga’n Mizoram Political party zingah Mizo mipui do rawn Citizenship Amendment Bill chungchanga a taka hmalatu awmchhun chu an Party chauh niin a sawi.

0
500
views

He thu hi vawiina Serchhip-a thuthar lakhawmtute a kawmnaah sawiin, Pu TBC Lalvenchhunga chuan, CAB an duh loh thu chu party tinin sawi vek mah se, Central beng thleng khawpa hma la erawh PRISM Party bak an awm lo niin a sawi a, MP atan thlan tlin a nih chuan a hmaa an lo beih tawh aia nasa zawkin CAB chu dodal a tum thu a sawi a. BJP a sawrkar leh a, parliament-ah he Bill hi a ngai ang a pass luih an tum a nih chuan a dodal turin Right to Secession bill a pu lut dawn tih Pu TBC Lalvenchhunga chuan a sawi.

Party President Pu Vanlalruata pawhin, nikuma Assembly inthlanpui khan an Party bul\anna a ni tih sawiin, mi tam zawkin \ha an ti chungin an la vote ngam lo a; tunah MP inthlan an chuh leh tak PRISM Candidate an vote tur thu sawitu an awm ta nual niin a sawi a. Ram, Hnam leh Sakhaw awmze neia kal tir duh tan chuan Prism vote chu thil finthlak a nih thu a sawi.