Prism Party MP Candidate, Pu TBC Lalvenchhunga’n Political party lian intiten Party chhunga awm sa ni lo pawn lam mi sawm chawpa Candidate an siam chhan chu an Party chhungah mi \ha an awm loh niin a sawi.

0
334
views

He thu hi Mamit District chhunga khaw hrang hranga an Campaign-naah sawiin, Pu TBC Lalvenchhunga chuan, Political Party ten politician nisa, mi \ha, Mizo mipui aiawh zo an party chhungah an inzawng hmu zo lo tih sawiin, Politic pawn lama mi hmingtha nia hriat lawmlut chawpa party mi leh sa ni lo candidate an thehchhuak chhan chu an party chhungah mi\ha an awm lo tihna a nih thu a sawi a. PRISM Party erawh chuan an party chhunga mi, politician nilai ngei India ram rorelna sang bera Mizo mipui aiawh tura ringtawkin an vawrhchhuak tih sawiin, Mizo mipui zawng zawng vote vek turin a sawm a ni.

PRISM Party President, Pu Vanlalruata pawhin, Citizenship Ammendment Bill chu party tinin an do tur thu an sawi vek rualin a Party chiah chu he Bill dodal dan tur sawitu awmchhuan an ni tih a sawi a. He Bill hi a taka kaltlangpui a nih ngat chuan Mizote tan a him loh theih dawn avangin India ram a\anga dan ang taka Mizote an inhnuhdawh theih nan Right to Secession Bill chu parliament house-a putluh an tum thu a sawi.