PRISM Party MP Candidate, Pu TBC Lalvenchhunga’n ram kaihhruai leh rorelna kawngah Mizo mipuiten \halaite chunga rinna an nghah ngam a \ul tih a sawi. Vawiina Champhaia thuthar lakhawmtute a kawmnaah Pu TBC Lalvenchhunga chuan,

0
371
views

Mizoramah \halai lehkha thiam hna hmu lo an tam tih sawiin, hna nghet, eizawnna tling an hmuh meuh chuan kum 40 an tling tlangpui \hin avangin \halai an tihte chu kum chu a sawnsak nia a lang thu a sawi. Mizoram politics an thlir chuan Pu Lal Thanhawla kha kum 42 a nihin CM ni a; Pu Zoramthanga pawh kum 48 a nihin a CM ; Pu Lalduhoma pawh kum 35 a nihin MP a ni tih sawiin, tun dinhmunah erawh anni ang kum rual Mizo \halai chu mipuiten an hmu naupang em em a, nu leh pa chawmhlawm la ni ruala ngaihna lian tak a awm a. Hei hi mahnia thawh chhuah an neih hun a tlai vang niaa lan thu sawiin, Pu TBC Lalvenchhunga mi hmasate kha kum la naupang te siin ram kaihruaia rorel turin mipuiin an lo hmu naupang lo tih a lang ching hle a, hetiang hi thil awm dan a nih avangin \halai an tih chin chu Mizo mipuiten an thlak a \ul hle nia a hriat thu a sawi.

Vawiin thleng Sorkar-in \halaite tan eizawnna \ha leh rin tlak a ngaihtuahpui lo chu pawi a tih thu sawiin, Prism MP candidate chuan, amah chu thlan tlin a nih chuan \halai lehkha thiam tam tak mahnia inhai kaw hlei thei lote tan theihtawpa hmalak a tum thu a sawi. Pu TBC Lalvenchhunga Prism General Secretary, Pu Lalrinzuala Chawngthu leh an party hruaitu dangten an \awimawm a ni.