Prism Party thuneitu sang, Central Committee chu vawiin khan Upper Republic-a an pawl Pisa-ah an thukhawm

0
724
views

Prism Party thuneitu sang, Central Committee chu vawiin khan Upper Republic-a an pawl Pisa-ah an thukhawm a, kumin kumtawpa Assembly inthlanpui neih tura an Party Ticket-a ding tur puan thawh khatna chu April ni 10-ah neih ni se an ti a. He thutkhawmna hi an pawl President, Pu Vanlalruata’n a kaihruai a, an Party Ticket-a ding turte thlangtu tu, Nomination Committee member panga an ruat nghal a, chung mite chu Pi H. Lalhmingthangi Aizawl Salem veng, Pu H. Zohmingthanga Kolasib Project Veng, Lt. Col. (Rtd) Khaizadinga Aizawl Chanmari West, Pu Raldokima Aizawl Mualpui Bethel, leh Pu Zosanglura Lunglei Bazar veng an ni a, an Party Ticket-a ding tur puan thawhkhatna April ni 10-a neih turah hian mi 10 puan ni se an ti a ni.