PRISM President, Pu Vanlalruata’n Hachhek biala an party Ticket-a ding turin an pawl General Secretary, Pu Eddy Zosangliana Colney ruat a ni tih vawiin khan a puang.

0
304
views

Pu Vanlalruata chuan kumina kum tawpa Mizoramin Assembly inthlanpui a hmachhawn hunah Pathian leh mipui zara PRISM party-in thuneihna a chang a nih chuan MLA hlawh leh ham\hatna dawnte tih tlem a ni dawn niin a sawi a ni.

Hachhek biala ding tura puan tak, Pu Eddy Zosangliana Colney chuan Hachhek bial chu a seilenna hmun a nih avangin amah anga hmangaih tur an awm chuang bik lo niin a sawi a, an bial chu Assam leh Tripura ramri depa awm a nih avangin ramri humhalh leh venhim kawnga \anlak a ngai tih sawiin, hemi kawngah hian \halaite an harh a hun tawh hle tih a sawi. Pu Eddy Zosangliana Colney chuan, an bial panna khawthlang kawng chuan \hat lai a nei ngai lo nia sawiin, kawng chhiat chhan chu eirukna vang a ni a, eirukna tel loin hna thawh ni se chuan kawng hi a chhiat reng nachhan tur a awm lo a ni, a ti a. Khawthlang lamin kawlphethaa harsatna an tawh \hin chhan chu transformer indaih loh vangte, a hrui leh a ban hlui tawh vang te, thawktu indaih loh vangte a ni tih sawiin, an bialin heng harsatna hrang hrang a tawhte hi sukiang turin hma a la dawn niin a sawi.