PRISM President, Pu Vanlalruata’n Mizo mipuite duh loh em em Citizenship Amendment Bill chu Parliament House-a putluh a nih tawh loh nan Lok Sabha inthlanpui neih turah Prism Candidate vote \heuh turin mipuite a sawm.

0
197
views

Vawiina an Party Pisa-a chhung inkhawmah thusawiin, Pu Vanlalruata chuan, he inthlanna neih turah hian PRISM Candidate chu thlan tlin anih chuan Citizenship Amendment Bill chu putluh a nih tawh loh a rinawm thu a sawi a ni. MP thlanna neih tura Candidate \henkhatin MP dinhmun leh tih theih pawh hre lova an campaign chu \ha lo a tih thu sawiin, Pu Vanlalruata chuan, he inthlanaa an Party auhla pui ber Right to Secession Bill chuan sorkar laipuiah nghawng a neih len zia a lang mek a, sorkar laipuia Ministry leh Agency hrang hrangin in sawifiah tur leh an auhla chu titawp tura an ngen chuan an ngaihmawh zia a tilang chiang hle a ni, a ti.

PRISM President chuan, CAB chu ruahman a nih tirh a\angin an dodal nghal tih sawiin, he Bill hi Parliament-a putluh leh a nih chuan India a\anga an inhnuhdawh tur thu sawiin, hemi atan hian Right to Secession Bill putluh an tum thu an tlangaupui ta tih a sawi a. Hemi chungchang hi State dang a\ang pawha an zawtfiah thu leh an duh ve thu an sawi chuan sorkar laipui ngen a thleng a, hei hi na zawka an dodal zel theih nan Prism Candidate chu a tlin ngei ngei a ngai a ni, a ti.