PRISM President, Pu Vanlalruata’n, naktip maia MP thlanna neih turah mipuite chu MNF emaw BJP emaw an vote a nih chuan CAB an vote chhuak dawn tih hre turin a chah.

0
544
views

Prism MP Candidate, Pu TBC Lalvenchhunga tana Campaign beihpui thlaka Champhaia thu a sawinaah Pu Vanlalruata chuan, BJP chu Citizenship Amendment Bill chauh ni lo, khawchhak lama Zo hnathlak unaute nena an inkara daidanna bang siamna tur leh khawthlang lam a\anga Banglades-in a rawn chimna tur dan Border Pass Scheme siam tumtu an nih avangin an tana vote pek loh chu himna awmchhun a ni tih hriat a ngai a ni, a ti a. Hetiang bawk hian Congress leh ZPM-in an thlawp Independent candidate an vote a nih chuan sakhaw tihbik nei lo, Mizorama hnam dang awmte zalenna leh ham\hatna an vote chhuak dawn tihna a ni,a ti a. Independent candidate dangte chu fiamthu thawh paha tal mai mai leh tlin tum lo, ram leh hnam himna pawh sawi ngai lo an ni, a ti. Pu Vanlalruata chuan, Mizoram, hnam leh sakhua himna tak tak duhtute chu PRISM candidate vote vek turin a sawm a. Anmahni leh an chhungte dinhmun \ha nia hria dam khaw chhuak thei tho tura inngaite pawh inngaihtuah nawn tur ngenin, ram leh hnam a dingchhuak a nih loh chuan mimal ringawt a dinchhuah theih loh tih hre turin a chah a ni.