Pu Dharam Pal-an Mami tlawh, Department hrang hrang hotute kawm nghal

0
431
views

Sorkar laipui aiawha Mamit District hmasawnna tur ngaihtuahtu tura ruat, Chemicals and Fertilizer Ministry-a Additional Secretary, Pu Dharam Pal chuan nimin khan Mamit a thleng a, vawiin khan Mamit Tourist Lodge-ah Bawrhsap, Pi Lalbiaksangi leh Deptt. hrang hrang hotute a kawm a, Mamit District-in kawng hrang hranga hma a sawn dan tur a sawipui. Mamit Bawrhsap chuan Mamit District chu India rama District hnufual zual, dawm kan ngai 115 thlan chhuah zingah a tel thu te, a tihhmasawn dan ngaihtuah tura sorkar laipui a\anga Additional Secretary, Pu Dharam Pal ruat a nih thu a sawi a, he District-ah hian kut hnathawka eizawng, mahni puala ram nei lo, mi za zela 25 an awm thu te, nu nau pai enkawlna dawng phak za zela 7.5 an nih thu te, naupang kum 5 hnuai lam enkawlna \ha tawk dawng lo tam tak an awm thu te, inthiarna, ek in nei lo za zela 7.5 an awm thu te, sikul naupang sikul kai zawm thei lo za zela 7.5 an awm thu a sawi. He sawihonaa tel Deptt. hrang hrang hotute chuan anmahni hnathawh kaihhnawih \heuhah hmasawnna hnathawh dan tur an ruahman dawn a, chu chu bawhzui atan Bawrhsap hnenah an thehlut dawn a ni.