Mara Autonomous District Council-a Executive Member, Information & Public Relations changtu, Pu K. Chhuabei chuan vawiin khan a pisaah Siahaa thuthar thehdarhtute a kawm a, NEDP sum hmanga ram chhung hmun hrang hrang tlawha Press Tour-a kalten an thil hmuh leh zirte an tarlang a ni. Pu K. Chhuabei chuan thuthar thehdarhtute chu mipui thlan sorkar nena lungrual taka thawk ho turin a sawm a, kum 2018 atana MADC Calendar siam a sem bawk.
Mizoram sorkar Calendar, I&PR Deptt. buaipuia Kolkatta-a chhut mek chu a lo la thleng lova, zawhna chhangin he Deptt. hotute chuan Mizoram sorkar calendar hi krismas leh kum thar inkarah a lo thlen theih an beisei thu an sawi.
