Pu Lal Thanhawla’n RTI Week hawng

0
368
views

Tun thla ni 12 thleng awh tur, Right To Information Week chu CM, Pu Lal Thanhawla’n vawiin khan Synod Conference Hall-ah a hawng a, Internet hmanga zawhna zawh theihna, Mizoram RTI online a tlangzarh bawk. CM chuan, sorkar officer-ten RTI zawhna an chhan \hin chu mipuiin hna chuang liam an siamsakna a ni lo a, mimal intih hmingchhiatna lam a kawk hek lo a, thil \ha duh avanga siam \hat tumna leh thil nihna dik tak hai lanna hmanrua a ni zawk, a ti a, a nih dan tur anga hman a nih chuan RTI chu thil \angkai tak, sorkar leh a mi chhawrte thlenga nawr kalna hmanraw \ha tak a nih thu a sawi.

Chief Information Commissioner, Pu Lalduhthlana Ralte pawhin Mizoramah RTI hmang \angkai an la tam tawk lo hle niin a sawi a, hei hi RTI \angkaina, mipuiin an la hriat chian tawk loh vang nia a ngaih thu sawiin Mizoram Information Commission chu ram puma zawhna dawng tlem ber a nih thu a sawi.

RTI chungchang tarlanna thuziak, kawngsira tar chi inziahsiaka lawmman dawngtu, Govt. Kolasib College zirlai, Malsawmkima leh Govt. Aizawl West College zirlai, Lalchhuanthanga chu lawmman p>k an ni a, he hapta hawnna inkhawm hi I&PR Director, Pi Lalnithangi’n a kaihruai a ni.