Pu Zodintluanga chuan Pradhan Mantri Gram Sadak Yojana (PMGSY) hnuaia kawng siam hnathawktu Contractor-te chu kawng siam hna an thawh chhan mipuite ngai pawimawh ber turin a chah

0
607
views

UD&PA Minister, Pu Zodintluanga chuan Pradhan Mantri Gram Sadak Yojana (PMGSY) hnuaia kawng siam hnathawktu Contractor-te chu kawng siam hna an thawh chhan mipuite ngai pawimawh ber turin a chah. Vawiina Lungleia PMGSY hnuaia hnathawktute training buatsaihah he thu hi sawiin, Contractor leh Site Engineer te chu lang tlang theia hnathawk tur leh inpawhtawn taka thawk turin a chah a, kawng siam hna an thawhnaa harsatna an tawh te sutkian a nih theih nan an hriat loh leh thiam loh te sawi chhuaka inhrilh tawn turin a fuih bawk. He Training National Rural Roads Development Agency duhdan anga neih hawnna inkhawm hi Lunglei Circle-a Superintending Engineer, C. Lalchhuana’n a kaihruai a ni.