Pu Zoramthanga kaihhruai MNF Ministry naktuk chhuna Raj Bhavan tuala lakluhna turin ruahmanna engkim peihfel a ni.

0
799
views

He inkhawmah hian Chief Secretary, Pu Arvind Ray chuan Chief Minister leh a kaihhruai Ministry-a Minister tur te hming puangin a ko chhuak ang a, chung mite chu Larsap, Pu Kummanam Rajasekharan-an rinawmna thu tiam tirin Minister atan a la lut dawn a ni. MNF party hruaitute hnen a\anga thudawn danin Chief Minister leh Minister dangte lakluh an nih hmaa National Anthem sak zawh hnuah Mizoram Kohhran Hruaitute Committee Chairman, Rev. Lalhmingthanga chuan Bible chhiarin sorkar thar lakluh tur Pathian hnenah a hlan ang a, Minister te lakluh an nih hnu hian Leprosy Mission Choir-in Halleluiah Chorus an rem dawn a ni.