Pu Zoramthanga kaihhruai MNF sorkar thar lakluh ni tur atan tun thla ni 15, Inrinni ruahman a ni.

0
180
views

Sorkar thar lalut tura inbuatsaihna hi kalpui mek a ni tih MNF Legislature Party Secretary Pu Lalruatkima chuan Zonet a hrilh a, Sorkar thara Assembly rorel inkhawm hmasa ber chu karleh Thawhlehni khian \an tura ruahman a ni a, hetah hian Member thlan tharte lakluh an ni ang a, a tuk Nilaini-ah Governor in thuchah sawiin, a tuk lehah Governor thusawi chungchanga lawmthu sawina motion sawiho tum a ni.

Inthlanna result nimina puan takah MNF Party chuan seat awm zawng zawng 40 chuhin seat 26 la-in hneh takin sorkar an siam thei a, nimin chawhnu lama MNF Legislature Party \hukhawm chuan an hruaitu ah Pu Zoramthanga thlangin Pu Tawnluia chu Dy Leader ah leh Pu Lalruatkima chu Secretary ah an thlang a, nizan khan Governor ah sorkar an siam theih thu an thlen nghal a ni.

Hetihlai hian Mizoram Assembly inthlanna result Election Commission-in a pawmpuina lehkha chu Election Commission-a Secretary, Pu SB Joshi-a’n vawiin chawhnu khan Larsap, Kummanam Rajasekharan hnenah a hlan a, he lehkha Larsapin a neih hnu hian Mizoram Assembly member 40 awmnaa member 26 nei MNF Legislature Party Leader, Pu Zoramthanga chu sorkar siam tura sawm a ni ang.