Heng puak thei thilte hi mi langsar tak tak mi pariat hnenah thawn a ni a, chung zingah chuan president hlui Barack Obama leh lemchanthiam Robert De Niro te pawh an tel a, US thuneitu pakhat chuan pakhat chu Florida a\anga thawn chhuah a ni tih finfiahna an nei tawh niin a sawi a, FBI lam erawh chuan thu chiang sawi an la nei rih lo thung.
Puakthei thil hi Vice President hlui Joe Biden leh Secretary of State hlui Hilary Clinton te pawhin an dawng a, FBI te hian Opa-Locka hmunah beihpui thlakin, Bomb sut thiamte pawh rawih tel an ni. Ningani tlai lam khan New York-a Warner Centre-ah bawm pakhat, rinhlelhawm tak hmuh a nih avangin a chhunga hnathawktu zawng zawng chhuah tir vek an ni a, a hnuah thil hlauhawm a ni lo tih finfiah leh nghal a ni a, he building hi CNN hmunpui a ni a, Nilaini khan puakthei thil hi CNN hian a lo dawng tawh a ni.
Hemi hmalam hian CNN in dak a\anga a dawn, puak thei thil, thil var dip hi mi tam tak suat theihna tur hlauhawm ang chi-a thawk tel thei a ni lo tih FBI Assistant Director William Sweeney chuan a lo dawi tawh a, hmun hrang hranga thawn darh heng thil funte hi Virginia Quantico-a FBI laboratory ah enfiah mek a ni tih a sawi bawk.
