Puanzar lawk awm lova China tlawhtu North Korea hruaitu Kim Jong-un a’n China a chhuahsan leh ta a, US president Donald Trump-a nen inbiakna nei leh turin a inhawng niin China chanchinbuten an sawi.

Trump leh Kim te hi nikum June thla khan an lo inbe tawh a, North Korea in nuclear ralthuam ti tawp tura hma a lak zui loh avangin hmasawnna a awm zui thei ta rih lo a ni. China President Xi Jinping chuan Trump-a leh Kim-a te hi an inbiak leh ngei a beisei thu leh inremna awmze nei an siam ngei a beisei thu a sawi a, China chuan ram pahnihte inbiaknaah a \ul anga puibawm zel a tum tih pawh sawiin, Korean ram pahnih-ah remna leh muanna a awm theihna tur leh nuclear ralthuam tihtawp anih theihna turin China chuan hma a la zel dawn a ni a ti.