PUC-in Cultural Day hmang

0
794
views

Pachhunga University College-in vawiin khan an College Multipurpose Hall-ah Cultural Day an hmang a, Mizoram University Vice Chancellor, Prof. K.R.S. Sambasiva Rao in a hmanpui. MZU Vice Chancellor K.R.S. Sambasiva Rao chuan Mizoram chu ram nuam tak a nih bakah hnam ziarang, incheina leh zai leh lama hausa tak nia a hriat thu a sawi a, cultural day chuan hnam hrang hrang inkarah inunauna \ha leh zirna kawngah pawh hmasawnna thlen se a duh thu a sawi. Cultural Day-ah hian PU College Principal Dr. Tawnenga pawhin thu sawiin, Mizo hnam nunphung, incheina leh zai leh lam te vawnhim a \ul tih a sawi. Cultural Day-ah hian Art & Culture Department-in Mizo hnam incheina leh hmanraw chi hrang hrang an pho chhuak a, Centre for Peace and Development ten an thil siamchhuah chi hrang hrang an phochhuah bakah Mizo ei leh in chi hrang hrang bakah hnam hrang hrang ei leh in te lei theiha zawrh chhuah a ni bawk. Pachhunga University College hian kum thum danah College Cultural Day hi an hmang \hin a, tun hi a \um thumna a ni.