Puithiamin mipat hmeichhiat kawnga a khawih chingpente Pope-in kawm

0
540
views

Chile-a puithiam pakhatin mipat hmeichhiatna kawnga a khawih chingpente chu Pope Francis chuan titipui.
Santiago-a an inkawmna hi vantlang hriat ve theih loha kalpui a ni a. Hemi hmalam hian Pope chuan he thil thleng avanga a rilru a nat thu sawiin, a tuartute chu ngaihdamna thinlung pu hram turin a ngen tih a lo sawi tawh a ni.
Mipat hmeichhiat kawnga mawi lo taka che puithiam pakhat chet dan thuppuitu, bishop pakhat nemngheh a remtih avangin Chile ah hian Pope hian sawisel a tawk nasa hle.
Santiago-a mi nuai 4 vel pungkhawm hmaah Pope hian thu sawiin, naupang pawisawi lo te tawrhna chu na a tih thu sawiin he thil thleng runthlak tak mai tuartute thawi dam turin tih theih awm apiang a ti zel tih a sawi a, Kohhran hming ti hliautute chu hrem an ni ngei ang a ti.
Mipa naupang mipat hmeichhiat kawnga khawih chingpentu Fr Karadima thil tih dan manchhuah anih thu hian Chile-a Catholic Kohhran te chu a barakhaih hle a ni. Thawhtanni khan he thil thleng duh lo hian Santiago ah vantlang inkhawm buatsaih a ni a, pawl indinin hetiang thil hi a thlen tawh lohna tura khawvel huapa hmalak dan tur an duang a ni.