Pune Police ten nimin lama vantlang hamthat nana thawktu Activist 5 an man chhan chu Maoist ten Prime Minister Narendra Modi thah tuma ruahmanna an siam nen inzawmna a nei lo a, January ni 1-a Maharastra Bhima Koregaon-a chi leh chi intihbuaina kaihhnawiha man an ni.

0
373
views

 

Pune Police te chuan an mi mante hi firfiaka chet tumnaa inhnamhnawiha puh an ni a, kumin June thlaa mi \henkhat lo man tawhte a\anga an thil chhui zui zelna kaihhnawiha man an ni tih a sawi. Nimin tlai khan heng activist panga te hi an chenna in dap anih hnuah man an ni a, Police te chuan Maoist te nena inzawmna neia puhin, Bhima-Koregaon buaina chawk chhuaktuah an puh a ni.

Activist zinga pakhat Maoist \antu leh hla phuah thiam Varavara Rao chu Maoist ten PM thah an tum dan tarlanna lehkhaah a hming a lan avangin inhnamhnawihna neia puh theih a ni a, hetihlai hian Pune Police te lehkhapawimawh a\anga a lan danin heng mi te man chhanah hian Prime Minister thah tumna lam erawh a lang lo thung. Police te chuan heng activist ten an biak zirlaite chu an la kawm kual leh dawn tih an sawi.