Pune Police ten vantlang hamthat nana thawktu Activist 5 an mante chu chawlhkar li dang pawn chhuak thei loa hren chhunzawm turin Supreme Court-in a ti.

0
366
views

 

Puan tawh angin heng mi 5-te hi Pune Police-te chuan a firfiaka chet tumnaa inhnamhnawiha puhin an man a, kumin June thlaa Maoist thlawptu mi \henkhat an lo man tawhte a\anga an thil chhui zui zelna kaihhnawiha man an ni tih an lo sawi tawh a, tun thla ni 5 khan Maharashtra sorkar chuan heng mi 5-te hi an ngaihdan vanga man an nih loh thu leh Maoist nena inzawmna an neih vanga man an nih zawk thu a lo sawi tawh a, Supreme Court chuan thla hmasa ni 30 khan man an nih chhan leh puh an nihna te a ngaihtuah chian hma chu an chenna in chhuahsan thei loa hreng turin a ti a, hei hi \um li pawhsei a nih hnuah vawiin khan Supreme Court chuan heng mite chhui zelna ah inrawlh a tum loh thu a sawi a ni.

Maharashtra CM Devendra Fadnavis chuan Supreme Court thutlukna chu lawmawm a tih thu leh an state sorkar leh police tan hnehna chi khat a nih thu a sawi a, thil thleng chu politics nena inzawmna nei lo leh eptu lam party rah beh tumna a nih lo tih Court sang ber hian a pawm ta niin a sawi a ni.