Punjab-a misual rual hruaitu, Vicky Gounder police-ten kaphlum

0
611
views

Punjab-a misual rual hruaitu nia hriat, jail tang tlanchhuak, Vicky Gounder leh a thurualpui, Prem Lahoriya-te chu vawiin khan Punjab chhim thlang lamah kahhlum an ni tih police-ten an sawi. Police-te chuan heng mi pahnih-te birukna hi thu an dawn bawhzuiin an pan thu leh, an tlanchhe tur an umzui na lamah, kahhlum an ni tih an sawi a, an inkahna ah hian police pahnih kah hliam an ni tih an sawi bawk a ni. Gounder hi kum 2016 November thla khan Nabha Central Jail atangin tang dang 5 nen an tlanchhuak a, a tlanchhuah pui-te hi police-ten man leh vek a, Gounder bik hi a chin hriat theih lohin a awm zui ta a ni. Gounder hi a thuihruai misual rual te nen ruihhlo tawlhruk, pawisa inthâp, mi ruk bo leh hlawh neia mi thah-ah te inhnamhnawiha puh an ni a, kum 2015 January thlaa misual rual hruaitu pakhat, Sukha Kahlwan-a thah a nih chungchangah pawh khan Gounder hi inhnamhnawihna neia puh a ni bawk a ni.