Punjab Chief Minister, Captain Amarinder Singh-a’n Kashmir khuahkhirh vanga Kashmir zirlai private university-a lut ten fee an pek tlai vang emaw attendance-a an tlin loh vangin emaw an laka buaina siam sak lo turin university thuneitute a ngen.

Zirlai pakhat, Nasir Khuehami chuan fee a hun taka an pek loh vang leh attendance-ah an hniam avangin Punjab, Uttarkhand leh Chandigard College ten Kashmir zirlaite fine pe turin an phut a, an pek loh chuan exam an paltlang thei lo dawn tih a sawi a, Punjab CM chuan Kashmir zirlaite thlavang hauhin Kashmir zirlaiten kumina an zirlai an hloh loh nan university thuneitute chu zirlaite laka ngilneihna lantir turin a ngen a ni.