Punjab National Bank kaltlanga dik lo taka pawisa tam tham tak peipunga puh Mehul Choksi chu Antigua and Barbuda ramah a awm ngei tih ningani khan finfiah a ni.

0
427
views

Puan tawh angin Mehul Choksi hi a sumdawnna thil vangin Antigua and Barbuda-ah hian khua leh tui nihna pek a ni a, khua leh tui nihna a dil hnu hian uluk taka chhui chian a nih thu leh Mumbai-a Ministry of External Affairs Regional Passport-in a lakah sawisel engmah a neih loh thu Antigua and Barbuda sorkar hian a sawi a, man duh a ni tih hi Interpol-ah hriattir ni se chuan, khua leh tui ni tura a dilna chinfel a nih lai pawh hian tihtawp nghal a nih tur thu a sawi bawk a ni. Antigua and Barbuda hian Choksi-a’n khua leh tui nihna a dil lai hian man tura tih a nih hi a lo zep a nih chuan, hlihsak leh a nih theih thu leh India sorkar puih a inpeih thu a lo sawi tawh a, mahse thil fello awm âwma a lan tak lohah chuan kawng dang dap a ngai dawn niin thuneitute chuan an sawi a ni.