Helipad hawnna inkhawma thusawiin Pu Lal Thanzara chuan Chief Minister, Pu Lal Thanhawla kaihhruaina hnuaiah Mizoram sorkarin hmasawnna hna chak takin a thawk niin a sawi a, NLUP a\anga kuthnathawktute ngelnghet siamsak te, NEDP hmanga khawpui leh thingthlang lama chengte inkara rualkhai zawka hmasawnna thlen tir theih dan tur te chu sorkar ngaihpawimawh a ni tih sawiin, zirna leh mihringte hriselna te, \halaite tana khawvel thar siamsak te chu sorkar ngaihpawimawh niin a sawi bawk. PWD Minister chuan kum 2012 August thla a\ang khan Mizoramah District khawpui hrang hrang tlawhin Helicopter service \an tir a ni tih a sawi a, hei hian duh angin mipuite mamawh a phuhruk zawh loh avangin sorkar laipuiah mamawh thlen leh niin a sawi a, Helicopter service chu a hlawkna um lova, mipui rawngbawlna a ni tih a sawi bawk. Pu Lal Thanzara chuan Khuangleng khuaa Helipad siam chu rikrum thil leh damloh thilah \angkai taka hman theih a ni dawn tih sawiin, \ha taka enkawl turin mipuite a fuih a ni.
He inkhawma thusawitu dang Pu T. Sangkunga, MLA pawhin he Helipad hi East Tuipui bial huam chhunga neih hmasak ber a ni tih a tarlang a ni.
