PWD Minister, Pu Lal Thanzara’n Khawbungah 33KV Power Sub Station nimin khan a hawng.

0
286
views

 

Hawnna thusawiin Pu Lal Thanzara chuan kawlphetha lama intodelh chu sorkar ngaihpawimawh berte zinga mi a nih avangin theihtawp chhuahin sorkarin \an a la mek tih a sawi a, kawlphetha megawatt 4 pe chhuak thei tur Tlawva Small Hydel Project chu kumin sorkar kum, 2018-19 chhunga zawhfel theih beisei a ni a, hei hian East Tuipui bial khaw hrang hrangte kawlphetha mamawh tam tak a pe thei dawn niin a sawi a ni. Pu Lal Thanzara chuan Kawlbem Small Hydel Project, kawlphetha megawatt 5 pe chhuak thei tur pawh nakkum sorkar kum chhunga zawhfel theih tum niin a sawi a, hemi bakah hian Tuirini Hydel Project kawlphetha megawatt 25 pe chhuak thei tur siamna turin BRICS Bank a\anga loan lak tum a ni a ti a, ni zung chakna hmangin Vankal khuaah kawlphetha siamchhuahna tur, Solar Park siam tum a ni a ti bawk. Kawlphetha semdarhna atan pawh World Bank Project hnuaiah POWERGRID Corporation chuan West Phaileng, Marpara leh Lungsena Sub Station thar siam a tum thu te, Khawiva 132 KV Sub Station tihlen tum a nih thu te, W. Phaileng-Marpara leh Lungsen-Chawngte-S. Bungtlang thlunzawm tur 132 KV line thar siam tum a nih thu te a sawi bawk. Pu Lal Thanzara chuan Melriat a\anga Lunglei District tana kawlphetha pekna hruipui thar thlun hna pawh kumin sorkar kum chhung hian zawhfel tum niin a sawi a ni. He inkhawmah hian Pu T. Sangkunga MLA pawhin thu a sawi a ni.

Khawbunga 33KV Sub Station hi State Plan Assistance sum Rs.3,97,25,000/- senga siam a ni.