PWD Minister, Pu Lal Thanzara’n MNF \halaiten Tuirini lei chim chhan chhuitu enquiry report mipuite hriata puang chhuak thuai tura an ngen angin he report hi puanzar thuai a ni dawn niin a sawi.

0
648
views

 

He thu hi Republic Veng Community Hall-a Congress Local Council thar lawmna inkhawm vawiina neihah sawiin, PWD Minister chuan Pu Lal Thanzara chuan MNF \halaite hian vawiin khan a pisa-ah amah hmuh an tum niin a sawi a, amaherawhchu interview kal lai a nih avangin an thilphut chungchanga an lehkha chu a private secy hnenah an dah niin a sawi a ni.

Hetihlai hian MNF |halaite chuan tun thla ral hma ngeia Tuirini leichim chhan sawifiah turin PWD Minister, Pu Lal Thanzara an phut tih an sawi a, hemi chungchangah hian vawiin khan PWD Minister chu a pisaah hmuh an tum tih sawiin, Pu Lal Thanzara bulah hian Congress Party Worker-te an awm ve avangin hmuh duh lovin an thilphut tarlanna lehkha chu a Personal Secretary, Pu Pratab Chhetri hnenah an hlan niin an sawi a ni.

MNF |halaite hi vawiin chhun dar 12 vel khan Chief Minister Pisa luhna Gate bulah pungkhawmin, PWD Minister hi hmuh an tum a, hei hi Police-in lo dangin vemhimna kenkawh thuah MNF |halaite chu a huhova Pisa chhung luh an remtih loh avangin an innek buai nual a. Hemi hnua Police hotute leh MNF |halai hruaitute an inbiak hnuah MNF \halai lam chu mi 15 Gate chhunga luh remtih sak an ni a, Minister hmu tur erawh chuan Pisa chhungah mi 5 chiah luh an remti thung a, MNF |halaite chu an Vice President, Lalremruata Chhangte leh Treasurer, Pu Lalzahawma hovin CM Pisa lamah hian an lut chhova, PWD Minister an hmuh dawn hian Congress Party Worker \henkhat chu a Pisa chhungah an awm a, hei hi MNF |halai lam chuan ngaithiam lovin Congress Worker-te chu an mi hmuh duh a nih loh thu leh Minister an hmuh laia Office chhunga lo awm ve an remti lova, Congress Worker lam hi an chhuah duh tak loh avangin MNF |halaite chuan an thilphut tarlanna lehkha chu PWD Minister hnena lo pekchhawn turin a Personal Secretary kutah an hlan a ni.

MNF |halaite chuan Sesawng leh Khawruhlian inkara Tuirini lei February ni 13-a chim chhuina report chu Aizawl Bawrhsap chuan kumin May ni 23-ah sorkar-ah a thehlut tawh nia an hriat thu te, thla 4 dawn a liam hnuah pawh an chhuichianna report puanzar a la ni lo chu an hriatthiam loh thu an sawi a ni.

Khatlaa Covention Centre sakna tur laih a nih vanga MG Road kawng min laia lei dawh hna thawh pawh muang lutuk nia an hriat thu te an sawi bawk a ni.

MNF |halai Treasurer, Pu Lalzahawma chuan PWD Minister, Pu Lal Thanzara chu lei chim chhan chungchangah thudik chanve sawiah puhin, thudik puang zar ngam lovah a puh bawk.