PWD ten kawng siam tha mek

0
389
views

PWD Highway Division III-in tunlai hian Seling leh Champhai inkar kawng an siam \ha mek niin PWD hotuten an sawi a, Seling leh Saitual inkar kawng hi Nidhi Infrastructure Ltd.-in alkatra a luan mek a, chak zawka hnathawh a nih theih nan kar leh, November ni 27 a\angin Seling leh Saitual inkarah hian truck tlan ni tur ruahman a ni a, ni 27, Thawh\anni-ah truck lian chiin Seling a\angin Saitual an pan thei ang a, a tuk, Thawhlehniah Saitual a\angin Seling lam an pan thei ang a, hetiang zel hian a ni inthlakin truck lian chu tlantir a ni ang. Motor lian intlan chhawk tur hian motor te leh a laihawl, 407 chin a huam lo a ni. He thupek hi Police ten khauh takin an keng kawh dawn a ni.

Mizoram hmun dangah pawh kawng siam \hat mek a ni a, Mamit District-ah chuan PWD Highway Division I hnuaia Contractor, Gayatri Infrastructure Project Ltd-in National Highway 44-A siam leh laih zauh ngaite a buaipui a, kawng laih zawh tawh a blacktop mek bawk a, Tuidam leh Tuipanglui inkarah rawra herna khawl leh rawra, balu leh alkatra chawhpawlhna khawl bunin an kawng laih tawh sa an blacktop a ni.