Qatar chuan OPEC chhuahsan mahse tun kara he pawl khawmpui lo awm turah chuan a tel tho tur thu a sawi a, boruak alh thei, methana a\anga siam Natural Gas dah vawh, Liquefied Natural Gas thawnchhuaktu lian ber ram nih a tum vanga OPEC hi chhuahsan an nih thu a sawi bawk a ni. Qatar Minister of State Enery Affairs Saad al-Kaabi chuan kum 2019 January a\angin OPEC-ah hian an tel tawh loh tur thu a sawi rualin, OPEC kaihhruaina dan chu an la zawm chhunzawm zel tur thu a sawi a, an thutlukna hi tunhnaia Saudi Arabia nena an inkara politics thila inhriatthiam lohna awm nen inkaihhnawihna a nei lo niin a sawi bawk a ni. Qatar hi khawvela boruak alh thei thawn chhuak hnem ber a ni a, tuialhthei lamah erawh chuan a thawn chhuak tlem ber te zing ami a ni thung a ni.
