Rafale indo thlawhna France a\anga India in a lei chungchang a sawi chhuah danah BJP in ram mipuite hmaa thupha chawi turin Rahul Gandhi an phut.

0
485
views

BJP General Secretary Bhupendra Yadav chuan Rafale chungchanga supreme court in thutlukna a lo siam tawh ngaihtuah nawn leh tura dilna a hnawl leh chuan Rahul Gandhi-a dawt sawi a ti chiang a ni a ti a, Rahul Gandhi-a’n ngaihdam a dil ngei chu an party in an phut tih sawiin hemi lantirna hi District hrang hrangah BJP chuan huaihawt a tum tih a sawi.

Rafale chungchanga a thusawi avanga Rahul Gandhi-a court zah loa puhna thubuai chu Supreme Court in tunhnai khan a titawp a, France a\anga Rafale Jet India in a lei tur chungchang leh Campaign laia Prime Minister rukru-a a puhna auhla, Chawkidar Chor Hai tih chu a sawi zawm avangin Rahul Gandhi lakah hian Supreme Court chuan court zah lohna contempt of court thubuai a ziaklut a, he thubuai ngaihtuahtu Chief Justice Ranjan Gogoi-a kaihhruai Judge pathum awmna bench chuan May thla-a Rahul Gandhi-a’n ngaihdam a dilna chu a pawmsak a, tunhnua fimkhur tawh tura vaukhanin thubuai hi a titawp a ni.