Rafale indo thlawhna lei chungchang thubuai ngaihtuahna-ah sorkar laipuiin indo thlawhna 36 India kuta hlan tur siam puitling turin Dassault company a intiam lo tih Supreme Court a hrilh.

0
374
views

 

Puan tawh angin Rafale inremna atan hian sorkar laipui chuan sum cheng vbc sing nga sang kua a seng a, France sorkar nena inremna hi tipuitling ngei ngei tura intiamna, Sovereign Guarantee a awm lo tih Supreme Court-a ngenna thehluttu, Ukil Prashant Bhushan chuan a sawi a, hemi hnuah hian sorkar ukil, KK Venugopal chuan France sorkar hnen a\anga inremna tihpuitlin ngei tumna lehkha a awm thu Court sang ber hi a hrilh a ni. Bhushan chuan inremna hi Dassault lam hian a tihpuitlin theih loh chuan a mawhphurtu tur hriat a nih loh thu leh India leh France sorkar-te inkarah thubuai a awm anih chuan Geneva khawpuia ngaihtuah a nih dawn avangin India lam chan a \ha dawn lo tih a sawi bawk a, hengte hi sorkar laipui hian a puanzar tel loh thu a sawi bawk a ni. Defence Ministry thuneitute chuan Russia leh US nena inremna-ah te pawh Sovereign Guarantee hi a awm ngai loh thu an sawi a, Rafale inremna chungchangah pawh hian hlauhthawn tur thil a awm loh thu an sawi bawk a ni.