Puan tawh angin Rafale inremna-ah hian Congress chuan dik lo taka thil tih a awm niin an sawi a, PM Narendra Modi-a’n inremna a siam chu UPA kaihhruai sorkarin inremna a lo siam tawh aiin cheng vbc 41000-in a to zawk niin an sawi a, sorkar laipuiin Dassault thawhpui atan Anil Ambani-a company, Reliance chu a rukin a thlang lawk sa niin an sawi bawk a ni. BJP chuan hemi chungchangah hian Rahul Gandhi chuan \um 7 lai dawt a sawi tawh niin an sawi a, France chanchinbute’n Rafale inremna chungchang an ziah leh Supreme Court thutlukna kailekah an puh a, Defence Ministry-a hnathawk sorkar thuneitute’n an hrem nia a sawi pawh thudik lo a nih thu leh mimal company duhsak anga a puhna te pawh behchhan nei lo a nih thu an sawi bawk a, France President hlui, Nicolas Hollande-a’n Modi-a’n thil dik lo takin a ti nia a sawi pawh a phuahchawp a nih thu France President a hmu anga a sawi te leh thlawhna la cheibawl loh leh chei tawh man a khaikhin te chu a tisual hle niin an sawi bawk a ni.
